كيكة الشوكولاته

السلام عليكم ورحمة الله وبركاته

حياكم الله اجمعين
حياكم الله راس راس وشيف شيف


نقول يالله ..





مقادير + طريقة كيكة الشوكولاته ;

كوب دقيق
نصف كوب كاكاو بودره مره
ملعقة شاي باكنج باودر
ملعقة شاي ملح
ثلاث ارباع اصبع زبده لينه
ثلاث ارباع كوب سكر
بيضه
ثلثين كوب حليب سايل
*المقادير بالاكواب المعياريه


اول شي جيبي صينية كوب كيك ( ضروري تكون تيفال او سيلكون ) وادهنيه بزيت ورشيه شوي دقيق
لو ماكان عندك مافي مشكله تستخدمين اوراق كب كيك عشان ماتلصق بالصينيه وبعدين تفككينه.


- نخلط الزبده والسكر لين يبهت لونهم ..
- نضيف البيضه ونخلط لحد مايتجانس الخليط وبعدين نضيف الحليب
- وبالتدريج نضيف الدقيق والكاكاو والباكنج باودر والملح لحد مايصير عندنا قوام لين
زي قوام خليط الكيك يعني ..

بعدين نصب الخليط بقوالب الكب كيك .. ونكون فاتحين الفرن من قبل ومحمينه
وندخله الفرن من ثلث الى نصف ساعه

وبعد ماينضج نطلعه من الفرن ونخليه يبرد شوي .. انتبهي تقلبينه وهو حار ترا بيخرب ويتفتت

بعد مايبرد اقلبيه بصينيه .. واقلبي كل حبه يعني خلي وجهها لتحت
واحفري بالوسط كذا حفره متوسطه عشان بنحشيها


مقادير الحشوه ;


علبة قشطه
ظرف دريم ويب
ظريف كريمة كراميل
حبتين جالكسي ساده مذوبه
باقي فتات الكيك اللي حفرتيه

اخلطيهم بالخلاط وابدي صبي بكل حبه لحد ماتمتلي


التغطيه ;

ميني اوريو < ممكن تسبدلينه الاوريو العادي وتكسرينه
مالتيزرس
سنكرس مقطع شرايح


وابدي وزعي عالوجه بشكل عشوائي المهم تغطين الحشوه
وبالنهايه زينيه بجاناش هيرشي

منقول